Turkað bløð og blómur av vistfrøðiligari, føroyskari røliku, dyrkað í Leynum.

Rølikur (Achillea millefolium) er ein vanlig læknaplanta, sum hevur verið nýtt í øldir.

Plantan er serliga kend fyri at støðga bløðing og hjálpa sárini at grøðast skjótari, og tí varð hún í eina tíð kallað hermannaurt.

Rølikur verður vanliga nýtt sum te, har turkaðar blómur ella bløð verða stoytt við kókandi vatni. Hetta varma teið linna magapínu, krampa og luft í maganum, umframt at tað stimbrar sveittaframleiðsluna og hjálpir kroppinum at fáa feberin niður.

Plantan inniheldur eisini evni, ið minka um bruna og linna pínu.

Gravid eiga ikki at nýta rølikur í stórum nøgdum.