The terms and conditions are in Faroese only. If you have any questions, please contact me.

Bílegging

Tá tú bíleggur á Bjarnastova.fo, fært tú sjálvirkandi eina bíleggingarváttan senda við telduposti. Henda bíleggingarváttan er ein juridiskt bindandi avtala millum teg og Bjarnastova.fo.

Tú hevur møguleika at stovna ein brúkara hjá okkum. Á tann hátt ber til at finna fram gamlar bíleggingar. Tað er tó ikki ein treyt at stovna brúkara fyri at keypa á Bjarnastova.fo.

Um tú hevur spurningar um vørur, sum eru útseldar ella ikki vera seldar á Bjarnastova.fo, hoyra vit fegin frá tær.

Prísir

Allir trævørur eru íroknað 25% MVG og í Donskum Krónum (DKK)

Fyrivarni verður tikið fyri tastivillum, prísvillum og útseldum vørum.

Gjalding

Møguligt er at gjalda elektroniskt við gjaldskorti, Paypal ella bankaflyting. Tá farið verður til kassan, og gjaldstreytirnar eru góðkendar, verður ein bíleggingarváttan send sjálvvirkandi við telduposti. So skjótt peningurin er móttikin, verður vøran send. Gjaldast skal, áðrenn vøran verður veitt, ella áðrenn vøran kann heintast.

Øll kortgjøld verða viðgjørd av Clearhaus, umvegis gjaldsskipanina hjá QuickPay. Bjarnastova.fo goymir ongar kortdátur. Bjarnastova.fo deilir onga vitan um kundar okkara (so sum navn, teldupost, bústað ella annað) við triðja part, tó undantikið QuickPay.

Gjaldast kann við hesum kortum:

• Visa
• MasterCard
• MasterCard Debit

Gjaldast kann eisini umvegis bankaflyting á konto í Betri Banki: 9181-000.549.59.56. Bíleggingarnummar og/ella navn á kunda skal viðmerkjast.

Um vøran ikki er goldin innan 48 tímar eftir bílegging, tilskilar Bjarnastova.fo sær rættin at selja vøruna til annan keypara.

Veiting

Vøran kann annaðhvørt sendast við Posta ella heintast á Ovari Vegi 29, 335 Leynar, eftir avtalu.

Skal vøran sendast við Posta, verður hon vanliga send innan 1-2 yrkadagar (tó ikki fyrr enn vøran er goldin). Harumframt kann roknast við 1-5 yrkadøgum, áðrenn pakkin er frammi. Kundin rindar fyri vørukoyringina.

Um bílagt og goldið verður seinni enn kl. 20 hósdag til sunnudag ella á almennum frídegi, verður vøran send komandi yrkradag.

Umbýting

Vøran kann býtast um innan 14 dagar eftir veiting, um hon er í sama standi, sum tá hon varð keypt - t.v.s. vøran má ikki hava verið brúkt/roynt og má ikki vera oyðilagt. Vøran kann býtast til reiðan pening ella aðra vøru.

Tú skalt skrivliga boða frá við telduposti til sapukonan@gmail.com, um tú ynskir at nýta umbýtingarrættin. Um vøran ikki er í sama standi, sum tá hon var nýggj, kann tað vera møguligt at fáa partvíst endurgjald eftir hvørjum standi, vøran er í. (Ikki galdandi fyri sápu, krem og varrafeitt) Hetta verður mett í hvørjari einstakari støðu.

Undandtøk til umbýtingarrætt eru hesi:

• Gávukortið kann ikki býtast um til reiðan pening og eitt gávukort, sum ikki er brúkt áðrenn lokadagin, fer úr gildi og kann ikki afturgjaldast. Um øll upphæddin ikki verður brúkt til eitt keyp, kann tað, sum eftir er á gávukortinum, ikki býtast um til reiðan pening, men brúkast til eitt annað keyp seinni. Skuldi Bjarnastova Í/F latið aftur, ber tað ikki til at fáa upphæddina útgoldna.
• Vørur keyptar á útsølu kunnu ikki býtast um við aðra vøru ella reiðan pening
  
• Veitingarkostnaður (ómaksgjald og postgjald) verður ikki endurgoldin
• Sápur, krem, varrafeitt og annað húðrøkt, kann ikki endugjaldast, hava tað verið brúkt.

Vinarliga boða okkum frá á sapukonan@gmail.com og send vøruna til: Ovari Vegur 29, 335 Leynar, um avtalu er gjørt um tað. Til ber eisini at koma framvið við vøruni eftir avtalu.

Kundin hevur ábyrgd og heftir fyri vøru, sum verður send aftur, um hon møguliga verður skødd ella burturmist. Tískil viðmæla vit at senda við sporing ella sjálvi at koma við vøruni.

Reklamatiónsrættur

Er feilur við vøruni, verður tú biðin um at senda okkum ein teldupost á sapukonan@gmail.com. Tá feilurin er staðfestur, kann vøran býtast til reiðan pening ella nýggja vøru. Reklamatiónsrætturin fellur burtur eftir 24 mánaðar og er treytaður av, at feilurin ikki kemur av skeivari nýtslu ella viðgerð av vøruni. Skeiva nýtslu kann td. vera at leggja skeribrettið í vatn ella koyra tað í uppvaskimaskinan.

Tú skalt senda okkum ein teldupost á sapukonan@gmail.com og gjølla greiða frá, hvør feilurin er, og hví tú ynskir at nýta reklamatiónsrættin. Tá tú sendur vøruna til okkum, verður tú biðin um at pakka hana væl inn. Bjarnastova.fo rindar afttursendingina, um skaðin er váttaður.

Trúnaður

Fyri at keypa á Bjarnastova.fo, hava vit tørv á hesum upplýsingum um teg:

• Navn
• Bústað
• Telefonnummar
• Teldupost

Vit nýta hesar upplýsingar, tá vit skulu veita tær vøruna. Persónsupplýsingar verða goymdar í 5 ár og verða síðani strikaðar. Tá persónsupplýsingar verða savnaðar er hetta altíð eftir at tú, sum kundi hevur givið samtykki til tess. Tú fært altíð at vita hvørjar upplýsingar skulu nýtast og hví.

Eigarunum, Joen og Katja Remmer, ery tey einastu, sum hava atgongd til hesar upplýsingar um teg. Tú hevur altíð møguleika at fáa innlit í, hvørjar upplýsingar vit hava um teg.

Persónsupplýsingar verða ikki givnir ella seldir víðari til onnur. Teir eru einans goymdir í okkara kundasavni.

Tú kanst til einhvørja tíð biðja um at fáa tínar upplýsingar strikaðar.

Teknar tú teg til tíðindabræv, skráseta vit tín teldupost, sum ikki verður víðarigivin til onnur.

Spurningar hesum viðvíkjandi kunnu sendast til sapukonan@gmail.com

Cookies

Á Bjarnastova.fo nýta vit cookies fyri at gera tína vitjan so væl eydnaða sum møguligt. Hetta loyvir ávísum funkum so skipanin t.d. kann minnast hvat er í keypskurvini. Tú kanst til einhvørja tíð strika cookies frá tínari eind.

Samband

Bjarnastova Sápur

Ovari Vegur 29
335 Leynar
sapukonan@gmail.com
Tlf: 224219