Latin: Digitalis. (Fingerbøl á donskum)

Revabjøllur er ein tveyáraplanta, men av tí hon sáar sær sjálva, verður hon vanliga mett sum ein stauda, av tí hon kemur aftur og aftur.

Fyrsta árið fær plantan bløð, og annað árið koma blómurnar.

Sáa inni ífeb-mar ella úti maj-sep. Stroy fræini á fuktaða jørð og dekk við perlite, um tú hevur tað. (Vanligt er at kunna keypa tað hjá Borg)

Plantan verður ca. 1 m. Blómurnar eru ljósareyðar.

Framleidd av Bjarnastovu í Leynum. Planturnar hava staðið óvardar úti alt árið og eru vandar við tað føroyska veðurlagið. Myndin er av fullvaksnari og blómandi plantu. Plantan, sum tú keypir, skal vaksa til, og tað er ikki vist, at hon blómar enn.