Eg vil fegin stuðla listafólkum og listhandverkarum, sum búgva í Føroyum. Menniskju, sum búgva her og skapa list ella handverk øðrum til gleði. Tað er torført hjá okkum, sum sniðgeva og framleiða her í Føroyum, tí kappingin frá útlendskum hópframleiddum vørum er stór.

Eitt listafólk, sum eg fegin vil stuðla, býr í Runavík. Hann sniðgevur nútímans myndir, sum á vakrastu máta lýsa Føroyar. Hann brúkar harumframt skipanina "print-on-demand". Hugskotið er, at ein mynd verður bert prentað, tá ið ein kunda bíleggur hana. Á tann hátt hugsa mann um umhvørvinum, tí stór uppløg verða ikki prentað, sum kanska ongantíð verða seld. Á hendan mátanum gongur tað eini 2-4 vikur, áðrenn tú móttekur tína mynd – men tú ert við til at hugsa um umhvørvið.

Tá ið tú trýstir á leinkjuna, verður tú flutt/ur beinleiðis víðari til hansara heimasíðu, har tú kanst síggja allar hansara myndir. Eg havi tí einki við bíleggingina at gera, og eg fái heldur onga samsýning fyri at vísa á hann.

Trýst her:

https://www.jonashviid.com/products